TOP STORIES: Monday I 12 August 2019 Eid’l Adha Day

0
11

LOKAL:

1). Anak ni City Administrator Edi Borja, nga nadakpan sa buy bust sa NBI-Bohol sa usa ka hotel dinhi sa dakbayan niadtong Sabado sa gabii, pabilin pa gihapon karon sa kustodiya sa ahensya; resulta sa pakisusi kon tinuod ba nga ang party-drug nga ecstacy ang gihuptan ni Eric John Borja sa higayon sa buy bust, gipaabot karon sa NBI

2). Obispo Abet Uy sa Diyosesis sa Tagbilaran, ni-awhag sa mga magtutuong Katoliko, sa paglikay sa mga kalihukan sa grupo nga Maria Divine Mercy (MDM), nga nagsangyaw sa mga hiwi nga pagtulon-an sa simbahan ug nakahatag og kalibog sa mga sumusunod niini

3). Mga sabungero, nangapi-ang ug nangasamad, human nangambak sa koral sa buwangan sa Dauis, dihang gironda kini sa mga tinugyanan sa CIDG, adtong Sabado sa hapon; kini alayon sa kampanya batok sa kalapasan sa PD 449 o ang Cockfighting Law, nga nagdili sa sabong sa mga adlaw gawas sa Domingo ug holiday; mga sugarol, gipapauli lang hinuon og wala dakpa

4). habal-habal driver ug 14-anyos nga pasahero, patay human magkabangga ang ilang gisakyan nga motor ug usa ka drump truck didto sa Ubay Biyernes sa gabii

REHIYON:

Presd’l. Asst. for Visayas Mike Dino, ni-awhag sa tanang mga ahensya sa kagamhana lakip mga LGU, pagtinabangay aron batukan ang paspas nga pagsaka sa kaso sa dengue sa Region 7, karon

KAULOHAN;

1). Pres. Duterte, ni-awhag sa tanang mga Muslim, pagtabang alang sa kaayuhan sa kadaghanan, ning adlaw pagsaulog sa Eid’l Adha o feast of sacrifice lukop nasod

2). Palasyo sa Malacanang, nidepensa sa pamahayag ni Pres. Duterte, nga nagtugot sa mga pulis pagdawat og regalo gikan sa publiko, nga naka-ani og daghan nga pagsaway lakip na si Sen. Ping Lacson

3). Bisan pa kon magdumili sa pag-ila sa International Tribunal arbitral ruling si Chinese Pres. Xi Jin Ping, dili kini makapugong kang Pres. Duterte paghisgut niini atol sa laing hugna sa ilang panagkita; samtang isyu sa illegal online casino, gisgurado nga hisgutan atol sa maong tigum, matod ni Finance Sec. Carlos Dominguez

4). AFP, nihulagway nga ‘fake news”ang report nga nag-ingon nga duna nay nakasud nga ‘suicide bomber’dinhi sa Pilipinas

5). Maglisod pagpasar sa Senado ang tulo ka mga balaudnon nga magpahamtang og dugang buhis ngadto sa katawhan, matod ni Sen. Imee Marcos

GAWAS SA NASOD:

Samtang gisaulog ang Eid’l Adha, mga pulis ug mga Muslim, nagka-engkwentro karon didto sa Jerusalem, ang gitawag nga ‘holy land’

SPORTS:

TNT, gipildi sa San Miguel Beer sa Game 4 sa PBA Commissioner’s Cup, kagabii sa Araneta Colliseum, 106-101

PANAHON:

Hanging habagat, maoy makaapekto sa Luzon karong adlawa samtang dinhi sa Visayas, linaw ang palibot ug kadagatan.