Usa ka batan-on nga namana og isda sa kadagatan sa Panglao, nalumos patay.
Ang biktima gipaila nga mao si Gerald Araña y’ Mission , 18 anyos, taga Brgy. Danao, Panglao.
Nahitabo kini kagahapon sa alas 10 sa buntag, kansang basi sa report sa kapolisan sa Panglao, nga namana og isda ang biktima uban sa kuabanan niini, tunga-tunga sa kadagatan nga bahin sa Gak-ang Island og sa isla sa Balicasag diin nilangoy matod pa ang biktima sa gibana-bana nga gilawmon ngadto sa 18 ka dupa, og giingon nga wala kini makaapas sa iyang gininhawa og maoy hinungdan sa iyang pagkalumos.
Daling gitabang ang biktima human nasigpati sa kaubanan niini, og gidala kini gilayon sa baybayon sa Purok 6, Danao, Panglao .
Daling gi CPR ang biktima, apan wala na kini mu response.
Gisusi gilayon ni Dr. Julieta Cogo Municipal Health Officer sa Panglao ang biktima , apan nakabsan gayod kini sa iyang hinulaman nga kinabuhi. ERP
Photo courtesy of
April Jane Lapura Yecyec
