Doctor nga niatiman sa 89 anyos nga Covid19 positive nga namatay sa Gov. Celestino Gallares Memorial Hospital, nagpotibo sa gihumong “Chemiluminescence Principle Bioassay Test”
Matud pa ni Dra. Mutya Kismet Tirol-Macuno hepe sa GCGMH nga ang “Chemiluminescence Principle Bioassay Test” mu determinar kini sa specific 91% sa IgM ug 98% sa IgG kini maoy gigamit nga test sa 22 ka health worker nga gi isolate. 21 sa ilaha ang nag negatibo sa IgM apan 1 ka doctor ang nagpositibo.
Ang presensya sa IgM anti-body nagpasabot nga dunay on-going nga infection ug wala pa naayu.
Gipasabot ni Macuno nga positive kini sa IgM pero dili ni positive sa PCR, og tungod kay asymptomatic unya naka quarantine man ang doctor, dili na kinahanglan ipa PCR pero e continue napod ug laing 7 days ang pag quarantine.
Dugang pa ni Macuno, tungod kay probable ang doctor , base sa protocol e contact trace kini ug nasayran nga ang iyang uyab lang ang close contact tungod kay 7 days kini nakauban sa doctor. E PCR ang uyab pero ang doctor e continue lang gihapon ug laing 7 days nga quarantine period nga mu total na kini ug 21 days ug human niana usbon ang anti-body test hangtud sa mu convert na kini sa IgG.
JF
