Ang kagamhanang lokal sa Tubigon, Bohol makaangkon na unya og bag-o ug moderno nga two-storey municipal fire station.
Mayor William Jao and Bureau of Fire Protection (BFP) Bohol Provincial Fire Marshall Fire Chief Inspector Raul Bustaliño ang nihimo sa ground breaking rites kagahapon didto sa barangay Cahayag, Tubigon.
Si Governor Art Yap ang pinasidunggang dinapit ground breaking rites uban si Fire District Congressman Edgar Chatto abag sila si Tubigon Vice-Mayor Rene Villlaber, Sangguniang Bayan members ug si Tubigon Fire Marshall Inspector Aproniano Torrejos.
Ang bag-ong Tubigon Municipal Fire Station project gastohan sa Bureau of Fire Protection P7.4 million pesos nga tukoron sa gidonar nga 400 square meters nga luna gikan sa kagamhanang lokal atubang sa Cahayag Public Market.
Mamahimo kini ikaduha na o sub station sa Tubigon Municipal Fire Station gumikan kay ang central fire station anaa karon sa barangay Poblacion.
Ang moderno nga fire station mamahimong moserbisyo sa siyam ka duol nga barangay nga mao ang barangay Pandan, Villanueva, Banlasan, Panadtaran, Ilijan Sur, Ilijan Norte, Panaytayon, Cahayag, ug Matabao.
Matod ni Provincial Fire Marshall Bustaliño nga dako kaayo’g ikatabang ang sub-station sa ilang pagresponde sa sunog sa maong mga barangay kon ikomparar nga gikan pa ang fire truck sa central fire station nga modagan pa og pipila ka minuto. DCR
