Mapasalamaton si Dauis Mayor Marietta Sumaylo sa kalamposan nga natapos na gyod ug magamit na ang bag-o ug modernong Dauis Municipal Fire Station.
Mapasalamaton si Mayor Sumaylo sa Bureau of Fire Protection (BFP) sa pagahin og pundo para sa katuman sa bag-ong fire station sulod sa compound sa bag-ong municipyo sa barangay Poblacion.
Dugang niini nga natuman gyod na nga natukod ang bag-ong fire station ug PNP building nga igo kini nahuman dihang igo pod nisulod ang Covid-19 nga wala naapekto ang pundo nga gastohon niini.
Dako ang pagpasalamat ni Sumaylo ngadto sa BFP nga kaabag sa kagamhanang lokal isip mga frontliners niining pandemiya nag-atiman sa mga katawhan sa lungsod sa Dauis uban ang PNP, Municipal Health Office ug ang Local Disaster Risk Reduction Management Office.
Dugang sa mayor nga dako ang pagpasalamat niya sa kahiusahan sa mga ahensiya sa Dauis ug kagamhanang lokal kay dili lalim ang gihimo nga pag-atiman ug pakigbatok sa makamatay nga sakit.DCR
