LOKAL:

1). Pipila lang ka adlaw human suspensoha si Mayor Nila Montero, LGU sa Panglao, nibungkag sa usa ka istruktura nga giingong gipanag-iya sa usa ka Korean national nga nakalapas sa 20-meter salvage zone sa Brgy. Tawala; gipaabot nga moboluntaryo ang ubang nakalapas sa balaod pagguba sa ilang mga istruktura human nabungkag ang Hera Greek Taverna, kagahapon

2). SP sa Bohol, nihulga pagbawi sa prangkisa sa Oceanjet kon dili niini tarungon ang ilang serbisyo dinhi sa Bohol; matod pa, daghan na og awhag ang SP ngadto sa maong kumpaniya nga tarungon ang ilang serbisyo apan wa kini mahimo sa maong panakayan; Oceanjet gihatagan og 60 diyas aron usahon na ang sistema sa pagkuha og tiket diha sa pantalan sa Tagbilaran; kagahapon, pipila ka biyahe paingon sa Sugbo ang gikanselar na usab tungod sa kadagku sa bawod

3). Motorista, patay human nadisgrasya sa Brgy. Mansasa sa niaging gabii

4). Padayon karon ang pagsaka sa kaso sa dengue nga nalandig sa Gallares Hospital sa Tagbilaran; laing 3 ka mga bata ang gi-admit sa maong tambalanan gikan sa mga lungsod sa Loon ug Calape; kahinumdoman, niabot na og 23 ang patay samtang kapin sa 2 mil na ang natalang kaso sa dengue sa Bohol sa nilabay’ng 7 ka buwan, matod sa RESU-7 samtang mo-average sa 300 ka kaso ang natala matag buwan sa lalawigan

5). SSS, nag-awhag sa mga amo o employer pagpahimos sa ‘penalty condonation” program nga ilang gipatuman niadtong nipalta pagbayad sa kontribusyon sa ilang mga kawani, kini hangtud nalang sa Sept. 6, karong tuiga

REHIYON:

Patay’ng lawas sa mga taga dakbayan sa Sugbo, nga apil sa mga pasahero sa nalunod nga mga pumpboat didto sa Iloilo niadtong aging Biyernes, niabot na kagahapong adlawa

KAULOHAN:

1). Pres. Duterte, nidugang pa ngadto na sa P6 milyunes ang ganti alang sa makatumbok kinsay mga responsable sa pag-torture ug pagpatay sa 4 ka mga pulis didto sa Nergos Oriental; kini bisan pa nga 6 na ka mga tawo ang nadakpan kalambigit sa maong hitabo

2). Pres. Duterte, mohigut na ngadto kang Chinese Pres. Xi Jin Ping, sa isyu sa desisyon sa International Tribunal labot sa West Phil. Sea, sa umaabot niining biyahe ngadto sa Beijing

3). Duterte, bukas na karon sa posibilidad sa paggamit sa kontrobersyal nga bakuna nga ‘dengvaxia” atubangan sa deklarasyon sa DOH sa national dengue epidemic

4). Pormal nang gipirmahan ni Pres. Duterte ang deklarasyon alang sa Lunes, Agosto 12, isip regular holiday, alang sa kasaulogan sa Eid’l Adha o feast of sacrifice, pinaagi sa Proclamation 789

5). Ekonomiya sa Pilipinas, nihinay sa ika-duha nga kwarter sa 2019

6). Mga security guard, gipabalik na sa ilang pwesto sa Main Terminal sa Ceres Liner o Vallacar Transit, sa Mansilingan, Bacolod City, kagahapon, kalambigit gihapon sa away sa mga tag-iya sa labing daku nga kompaniya sa transportasyon sa Asia

GAWAS SA NASOD:

Taiwan, nangandam karon sa paghapak sa kusog nga bagyo samtang mga abugado didto sa Hong Kong, niapil sa protesta sa kadalanan batok sa kontrobersyal nga ‘√©xtradition bill”

PANAHON:

Nigawas na sa PAR ang Bagyong Hanna, apan pabilin pa gihapon ang epekto sa dautang panahon ilabina didto sa Metro Manila hinungdan sa kanselasyon sa klase

Samtang ang LPA sa Dagupan, pabilin pa usab gihapon sa iyang nahimutangan bisan pa kon gituhoan nga dili na kini mahimong bagyo.

Pabilin pa usab gihapon ang Bagyong Kroza sa dagat Pasipiko.